Carúl Loch Garman
Ó, tagaigí is adhraigí
An leanbh cneasta sa chró 'na luí
Is cuimhnígí ar ghrá an Rí
A thug dár saoradh anocht an Naí.
'S a Mhuire Mháthair i bParthas Dé,
Ar chlann bhocht Éabha guigh 'nois go caomh,
Is doras an chró ná dún go deo
Go n-adhraim' feasta Mac Mhuire Ógh.
I mBeithil thoir i lár na hoích’
Ba chlos an dea-scéal d'aoirí,
Go follas don tsaol ón spéir go binn
Bhí aingil a’ canadh ó rinn go rinn.
"Gluaisigí' go beo," dúirt Aingeal Dé,
‘Go Beithil sall is gheobhaidh sibh É
‘na luí go séimh i mainséar tuí,
Siúd é an Prionsa, Mac Óg an Rí.’
A phobal tá ag féile Chríost,
Cuimhnímis go beacht ‘s go cruinn
Ar dhein ár n-athair go fial dúinn,
A aonmhac dílis do sheoladh chugainn.
Le Muire Naofa guímid chun
Dia le cion ar fhéile Chríost
I mBeithil úd an oíche fhuar
gur rugadh dúinn ár Slánaitheoir
An oíche roimh an eachtra úd,
An Mhaighdean uasal mhór faoi bhrón,
Le Iósaef séimh anonn ‘s anall
Ag lorg lóistín oíche dhóibh.
Ó éistigí ar chual’ an scéal,
Do ruaigeadh iad an bheirt araon,
Go bhfuair siad scáth ón oích’ monuar,
Ar thaobh an chnoic i gcró bocht fuar.
Traidisiúnta
|
Journey of the Magi
Dia do bheatha, a Naí anocht
Dia do bheatha, a Naí anocht,
Do ghabh id' Dhiagacht daonnacht,
Dár saoradh a Chnú chroí,
A Bhrú mhaoth-ghlan Mhaighdine
Íseal ann do bhí ár bhFlaith
I gcró cúng an asail
Fáilte roimh a theacht Dá thoil
Nuair a d’fhág sé Neamh um Nollaig
Tréana thoil, a thrua ‘s a ghean,
Thug Dia a Mhac 'na fhír-fhear
Dár gcosaint ó gleann na gciach,
A Rí, a Athair, A Aon-Dia.
Aodh Mac Aingil 1571-1626
Coinneal na Nollag
Lasfaidh mé coinneal na Nollag
Agus cuirfidh mé í san fhuinneog,
Ag fáiltiú roimh Mhuire is an leanbh
A rugadh sa stábla fadó
|
Geertegen Tot Sint Jans 1490
|
Oíche Chiúin
Oíche chiúin, oíche Mhic Dé,
Cách 'na suan, dís araon,
Dís is dílse ‘faire le spéis,
Naí beag gnaoigheal ceananntais
caomh
Críost ‘na chodladh go séimh,
Críost ‘na chodladh go séimh.
Oíche chiúin, oíche Mhic Dé,
Aoirí ar dtús chuala an scéal,
"Aililiú" aingil ag glaoch
Cantain Suairc i ngar is i gcéin
Críost ár Slánaitheoir féin,
Críost ár Slánaitheoir féin.
|
